شما اینجا هستید:صفحه اصلی » اشعار » احوالات آمدن امامین حسنین (ع) بر سر جنازه ی حضرت فاطمه الزّهرا (س) از مرحوم شهاب

احوالات آمدن امامین حسنین (ع) بر سر جنازه ی حضرت فاطمه الزّهرا (س) از مرحوم شهاب

hazrate-fateme-(www.Alvershop.com)-(12)

آنا نعشینه دوشنوب حسین آنا وای دیوب حسن آغلادی

کفن ایچره ایله سیزیلدادی باش آچوب اباالحسن آغلادی

آنا وای دیوب حسین آغلادی، کفن آغلادی خانم آغلادی

ایکی شاهزاده ی خونجگر ایله گَلدی شیونیله دله

ایکی عندلیب شکسته پر دیه سین دونوبدی سولان گُله

اولارین فغانی غم آرترور هامی بلبله گله سنبله

یری وار دیم بو مصیبته گل و گلشن و چمن آغلادی

حسنِینون ایلدی ناله سی کفن ایچره فاطمیه اثر

آچیلوبدی بند کفن آچوب قولین اول بلا کش خون جگر

ایله چکدی سینیه جان کیمی حسنینی توکدی سرشک تر

خانمین او کشف کرامتین او جلالتین گورن آغلادی

نه دلیله من ایلیوم بیان نَییموش جلالت فاطمه

سالوب اهل عالمی حیرته او جلال و شوکت فاطمه

بونی بیر خدای جهان بُلور که ندور شرافت فاطمه

او شرافته او مصیبته ایدوب انجم انجمن آغلادی

ایله بیر مجلله بیر خانم نه جهاندا کیمسه نشان ویروب

ایله بیر جلالتی بیر کسه نه خدای کون و مکان ویروب

بیله شان صاحبینه دیمه که بیر آنی غصّه امان ویروب

اُلنه کیمی آتا وای دیوب توکوب اشک دیده دن آغلادی

او مقام و مرتبه صاحبی آتاسی خلاصه ی انبیا

قولینی سالاردی گورن کیمی گوزی نوری فاطمه بویننا

گهی سینه سین گه اَلین اوپوب، بالاما دیردی اوزوم فدا

بو سوزی دینده گوردیلر او رسول ممتحن آغلادی

بویوروردی سیز بیله بُلمیون آتالیق محبّتین ایلرم

بو محبت امر الهی دور من اونون اطاعتین ایلرم

بیر علاوه مدّ نظر که بو بالامین مصیبتین ایلرم

گَتیرور ملال و مصیبته منی بو غم و محن، آغلادی

بو قدر مصیبت و غم چکن بو یقیندور عالمه گَلمیوب

آتادان سورا گئجه آغلیوب گونوز آغلیوب یوزی گولمیوب

خبر صریحیدی بو خانم که شهید اولوب اوزی اُلمیوب

بدنینده صدمه یِرین گوروب اوئیدی ابالحسن آغلادی

بو خانم جوانه وفات ایدوب ایلیوبدی ترک جهان گیدوب

او آز عمریله آغاروب ساچی، بوکولوبدی قدّی کمان گیدوب

بدنینده قمچی لرین یرین ایکی قولاریندا نشان گیدوب

آتاسی بهشته گورن کیمی گویروب او گل بدن، آغلادی

ایلمیشدی خاتم الانبیا اوزی امّته بو وصیتی

قویورام ایچوزده سیزون بوگون بو ایکی گرامی امانتی

بیریسی کلام مجیدیدی، بیریده همین بو اوز عترتی

بو کلامی هر ایشیدن یانوب، بو وصیّتی ایدن آغلادی

او وفاسیز امّته باخ عجب عمل ایلدی بو وصیّته

توکولوب جفائیله اود ووروب نجه گور او باب رسالته

قیزی فاطمه دوتوب اودیانوب، نه دیوم که دوشدی نه حالته

او اسفلی حاله کناریدن نظر ایلین گورن آغلادی

او حسینخانه نی حق گوروم اوزی پایدار ایده هر زمان

واریدی شهابیله هر گئجه نچه یار هم دل و هم زبان

سبب اولدی اوردا بو نوحیه او جوان سیّد نوحه خوان

آناسی یقین نظر ایتدی که ایشیدن گورن بُلن آغلادی

درباره نویسنده

خادم حضرت علی اصغر (ع)

تعداد مطالب : 25

نظر بدهید

تمامی حقوق این سایت متعلق به هیئت زتجیر زنان محله نوبر تبریز می باشد.

WordPress SEO fine-tune by Meta SEO Pack from Poradnik Webmastera
بالای سایت