شما اینجا هستید:صفحه اصلی » اشعار » زبانحال حضرت امیرالمومنین (ع) به آقا رسول الله (ص) در دفن حضرت زهرا (س) از مرحوم آقای حسینی سعدی زمان

زبانحال حضرت امیرالمومنین (ع) به آقا رسول الله (ص) در دفن حضرت زهرا (س) از مرحوم آقای حسینی سعدی زمان

hazrate-fateme-(www.Alvershop.com)-(13)

منه زهرانی تاپشوردون امانت یا رسول ا…

سنه رد ایلورم اما خجالت یا رسول ا…

سن ای پیغمبر رحمت ایدنده ترک دنیانی

ودیعه تاپشوروب گیتدون قیزون مظلومه زهرانی

سنون امرون ولیکن نهی قیلدی دشمن جانی

دانوب قرآنی آختاردی ریاست یا رسول ا…

امانت ردّی واجبدور بو مطلب امر یزداندور

هلی هر حالیده اولسا مطیع حکم قرآندور

آل اوز تاپشوردوقون دُرّی بو دُرّین قیمتی جاندور

گذشت ایله شکست اولسا امانت یا رسول ا…

بو بیر حوریه دور انسیه صورتده مصوّردور

بو بیر زیتونه دور نور خدائیله مخمّردور

بو بیر مرضیّه دور محبوبه ی خلّاق داوردور

بیر عورتده گورونموب بو جلالت یا رسول ا…

بویوردون امته بیر پاره دور مندن قیزیم زهرا

منه ایلوب اذیّت ایلسه هر کیم بونا ایذا

ایدوبلر نه اذیّتلر دلیمده شرحه یوخ یارا

اوزی ایلر سنه تک تک حکایت یا رسول ا…

بو بیر خوش رنگ و بو گُلدی گلستان رسالتدن

بونیله دم وورانمازدی گُل جنّت لطافتدن

سالوبلار بو گل شادابی حیف اولسون طراوتدن

یوزینده قویمیوب سیلی طراوت یا رسول ا…

قصوریم اولمیوب آگاهسن حفظ و حراستده

قویوبدور امتثال امر پاکون کنج عزلتده

بغشله گر اولا بعضی علامت بو امانتده

بُلورسن اولمیوب مندن خیانت یا رسول ا…

منه سن تاپشوراندا واریدی گلرنگ سیماسی

باشندا قاره زلفی قدّ موزون دل آراسی

سولوب رنگی دونوب کافوره زلف عنبر آساسی

اولوب خم بار غمدن سرو قامت یا رسول ا…

سزادور دونسه بو غمدن الف تک قامتیم داله

منیله سنده اولسان عالم معناده هم ناله

سالوبدور دشمن جانی بتولی ایله احواله

قولوندا سینه سینده وار جراحت یا رسول ا…

بیان قال و حال مرتضادن یازما ای خامه

دولان گیت کربلاده باخ جفای لشکر شامه

وار اوردا دخت زهرانین باشندا گورنه هنگامه

نجه سسلور گل ای ختم رسالت یا رسول ا…

بو صد پاره بدن ای سرور بطحا حسینوندور

قوری یرده قالان بو چاکچاک اعضا حسیندور

بو باشسیز جسم آرام دل زهرا حسیندور

سالوب بو حالته اهل عداوت یا رسول ا…

بو مذبوح القفا جسم جهانه جان حسینوندور

یارالی سو کنارینده اُلن عطشان حسینوندور

قوم اوسته گون قباقینده قالان عریان حسینوندور

سویوبلار جسمینی قوم شقاوت یا رسول ا…

بو مقطوع الیدا مخذول قوم دون حسینوندور

بوکشتی نجات و غرق بحر خون حسینوندور

یاراسی انجم و افلاکدن افزون حسینوندور

اولوبدور منخسف ماه امامت یا رسول ا…

نه وار باشی نه ال نه جامه بو صد پاره پیکرده

قالوب خندان اولان گل تک گل طاها قوری یرده

چکوبدور اوستونه خاشاکدن باد صبا پرده

اذیت ایتمه سون باری حرارت یا رسول ا…

کفن یوخ، سایبان یوخ، ایستی گون، مجروح بیر پیکر

گمانیم گَلموری بیر ساتره نیلوم من مضطر

آلوبلار رختیمی اعدا ویروبلر بیر قرا معجر

اولاندا خیمه ی زرتار غارت یا رسول ا…

معیّن ایتدی حق اجر رسالت حبّ قُربانی

عجب امّت مراعات ایلدی قانون قرآنی

سالوب بیر حاله ذَالقربانی که دنیاده قربانی

بیله اُلدورمیوب بیر با دیانت یا رسول ا…

درباره نویسنده

خادم حضرت علی اصغر (ع)

تعداد مطالب : 25

نظر بدهید

تمامی حقوق این سایت متعلق به هیئت زتجیر زنان محله نوبر تبریز می باشد.

WordPress SEO fine-tune by Meta SEO Pack from Poradnik Webmastera
بالای سایت