قربان اولوم جلالتوه یا ابالحسن- چوخ شائقم زیارتوه یا ابالحسن

قربان اولوم جلالتوه یا اباالحسن

چوخ شائقم زیارتوه یا اباالحسن

آگاهسن اوزون سن ایا شاه ذوالکرم

من عاشقم سنه دیمه مداح و نوکرم

بیر آستانون اوپماقی مین خلده ویرمرم

آند اولسون اوز امامتوه یا اباالحسن

قبروندن اوتری کوگلوم اسیر مثل برگ بید

بیر عاشقم قاپوندا سیه روی و مو سفید

ویرم قسم جوان بالاوا ایتمه نا امید

قیل مفتخر عنایتوه یا اباالحسن

جدون اوزی بیله بویريدی مفضله

قرآندی اصل مدرکی روشندی مسئله

والهی قبردن دوراجاقدی گوله گوله

قائل اولان ولایتوه یا اباالحسن

سن مظهر خدای کریم و عطوفسن

کشاف هم و غم و كروب و لهوفسن

معروفسن بو اسمه امام رئوفسن

قربان سنون عطوفتوه یا اباالحسن

اي غزال وحشي ديلين بولن من اسير آلام و بيكسم

يوخ ديليم ادم درديمي بيان قويما سنن اميديمي كسم

ويرم اي اميد جهانيان فاطمه آنان حقينه قسم

سن آقا اوزون ايله دوا باخما وار منده چوخ خطا يااباالحسن