شما اینجا هستید:صفحه اصلی » آرشيو عكس » قربان اولوم جلالتیوه یا اباالحسن چوخ شایقم زیارتیوه یا اباالحسن

قربان اولوم جلالتیوه یا اباالحسن چوخ شایقم زیارتیوه یا اباالحسن

قربان اولوم جلالتیوه یا اباالحسن چوخ شایقم زیارتیوه یا اباالحسن

قربان اولوم جلالتیوه یا اباالحسن

چوخ شایقم زیارتیوه یا اباالحسن

مین بیر آدیلا آدلانوب الله لاینام        اسم رضادی مظهری بو آدلارین تمام

دنیانین اهلی رسمیدی یوخ شبهه و مقال  شیرین آدی گلنده عسلدن ورار مثال

شیرین دور اهل عشقه عسلدن ولی وصال    قربان وصال حضرتوه یا اباالحسن

تلخین مثالینی عقلا زهردن ورار      عشاق ایچینده عکسینه اما عقیده وار

مین دفعه زهردن آجیراقدور فراق یار     یوخ منده تاب فراقتوه یا اباالحسن

آگاهسن اوزون سن ایا شاه ذوالکرم

من عاشقم سنه دیمه مداح و نوکرم

بر آستانون اوپماقی مین خلده ویرمرم

آند اولسون اوز امامتیوه یا اباالحسن

چوخدان دوشوب خسته گوگل اشتیاقوه

یاندورما بربیله منی نار فراقوه

ایسته گلوم بهشتدن اعلا رواقوه

ویرم قسم رضایتوه یا اباالحسن

سن شاه ما سوا سنه من کمترین گدا

شاه گدانی بوش یولا سالماق دگول روا

بر باخماقون ایدر ایکی دنیامه اکتفا

اولام رهین منتوه یا اباالحسن

هجرونده گوز یاشین قاریشیب قلب قانینه

رحم ایله بو بلا کشین آه و فغاننه

ورم قسم شها سنی معصومه جاننه

ایسته گلوم زیارتوه یا اباالحسن

من نوکرم قاپوزدا حسینی دی شهرتیم

لایق دگول اگرچه بو درباره خدمتیم

اما بو بوش الیله گینه یوخدی وحشتیم

گوز تیکمیشم شفاعتوه یا اباالحسن

کتاب چهارده معصوم حسینی با ملحقات

تاریخ : ۱۴۰۵ قمری مطابق با ۱۳۶۳ شمسی

درباره نویسنده

تعداد مطالب : 6

نظر بدهید

تمامی حقوق این سایت متعلق به هیئت زتجیر زنان محله نوبر تبریز می باشد.

WordPress SEO fine-tune by Meta SEO Pack from Poradnik Webmastera
بالای سایت