شما اینجا هستید:صفحه اصلی » اشعار » مدح حضرت زهرا (س) از مرحوم آقای حسینی سعدی زمان

مدح حضرت زهرا (س) از مرحوم آقای حسینی سعدی زمان

hazrate-fateme-(www.Alvershop.com)-(20)

ای قویان کائناتی حیرتده، شان و جاه و جلالی یازهرا

اولمیان مثلی حُجب و عصمتده، باغ طاها نهالی یازهرا

ای قویان کائناتی حیرتده، شان و جاه و جلالی یازهرا

اولمیان مثلی حُجب و عصمتده، باغ طاها نهالی یازهرا

ای ملقّب به مریم کبری، یوخ نظیرون اُناث عالمده

نه خدیجه نه هاجر و سارا، سنده کی رتبه یوخدی مریمده

فاطمه فَطم دَندی بیر ایما، شیعه سین قویمیان جهنّمده

نجه اُنثی سَن عالمِینین اولا، سنه قربان رجالی یازهرا

جز علی و پیمبر رحمت، یوخدی سندن مقامده بالا

مرتضی تاپماسِیدی گر خلقت، کُفّون اولمازدی بیر نفر اصلا

ای خدای عوالمه مَمدوح، مادِحون ذات خالق یکتا

بو عقیدمدی کفردور هر کیم، دیه وار احتمالی یازهرا

اولماسِیدون اگر سَن اولمازدی، نور خورشید و ماه تابنده

مهر و ماهه غلطدی تشبیهیم، حُسنوه مهر و ماه دور بنده

خدماتون فُصول قرآنه، ایله بیر شارِح برازنده

که سرشکین نهال اسلامین، اولوب آب زلالی یازهرا

او اولان صورتی بشر امّا، فطرتی سیرتی فرشته و حور

باغ جنّتده آدم و حوّا، ایلین دمده سِیر حور و قصور

منفعل اولدی اول ایکی زیبا، ئوز جمالیندن ای طلیعه ی نور

اولاری قویدی حالِ حیرتیده، حُسنِ رویون کمالی یازهرا

بولمورم بو جلال و شوکتیله، خالق لَم یَزَل یاراتدی سنی

یری خَفّ ایتمَدی نه حکمتیله، دَهرِ دون گل کیمی ساراتدی سنی

امّت بی وفا حقارتیله، ظلم اَلیله خانم قوجاتدی سنی

نوجوانلیقدا غصّه مرگ اولدون، قبره گیتدون یارالی یازهرا

نجه دُوزدی علی وفا کانی، شعله ی آهویله اودلاندون

کیم ایدر حلّ بو مُعَمّانی، قاپی یاندی و یا ئوزون یاندون

قاپودا سینَوین قالور قانی، نجه یاندون فقط ئوزون قاندون

حامله عورت ایتسه سقط جنین، کیم بولر وار نه حالی یازهرا

شیر یزدان او شاه کون و مکان، سنه ایتدی گئجِیله غُسل و کفن

مدفنون ایلدی ولی پنهان، تاپماسون تا مزاروی دشمن

حجّه بن الحسن امام زمان، بیر گون ایلر او قبر پاکی عَلَن

قانیوی آلمیونجه وار او شَهین، صبح و شام ابتلاسی یازهرا

بسکه چکدون مصیبت و محنت، جسمدن رخت عشری سُویدون

آز بیر عمریله یِتدی چوخ زحمت، بو جهاندا حیاتدن دُویدون

غَملرون اولدی زینبه قسمت، ئوز یِرونده او غم کشی قویدون

خُمِّ غمده بویاندی هر رنگه، اولدی بی حَد ملالی یازهرا

شهر یثربدن ایتدی ترک وطن، عزّت و شوکت تمامیله

بِش برادرْ تمام شیر افکن، دوره ده آتشین حسامیله

نچّه آی مکّه ده ایدوب مسکن، رشکِ خورشید و مَه خیامیله

باغلادی کربلایه بار سفر، شرحه گَلمز ملالی یازهرا

کربلاده دوشوب بلایه باشی، دامنی گوز یاشیله ایسلاندی

اُلدی بیر گونده قوم و قارداشی، قلبی تک خیمه گاهی اودلاندی

قانه دُوندی گوزونده گوز یاشی، شیعه نین باغری ایمدیده قاندی

دستگیر اولدی قوم اَعدایه، گیتدی اَلدن جلالی یازهرا

بو حسینی خلوص نیّتیله، ایلیوب جدّه جان سیزه خدمت

بیر امیدیله مِیل و رَغبتیله، خدمتینده ایدوبدی جدّیّت

ایستوری لطف بی نهایتیله، چَکَه سَن سَنده مختصر زحمت

ملکوتُ الْموت گَلمَمیش گَله سَن، موقع ارتحالی یازهرا

درباره نویسنده

خادم حضرت علی اصغر (ع)

تعداد مطالب : 25

نظر بدهید

تمامی حقوق این سایت متعلق به هیئت زتجیر زنان محله نوبر تبریز می باشد.

WordPress SEO fine-tune by Meta SEO Pack from Poradnik Webmastera
بالای سایت