شما اینجا هستید:صفحه اصلی » اشعار » وصیت حضرت زهرا (س) به امیرالمومنین علی (ع) از مرحوم آقای حسینی سعدی زمان

وصیت حضرت زهرا (س) به امیرالمومنین علی (ع) از مرحوم آقای حسینی سعدی زمان

hazrate-fateme-(www.Alvershop.com)-(24)

اُلورم غم فراقه اولورام دچار عم اوغلی

گل اوتور ایدوم وصیت من دلفکار عم اوغلی

منه ایتمه قبر تعیین قوی اولا مزاریم ایتگین

گلر اون بیریمجی اوغلوم ایدر آشکار عم اوغلی

دگولم رضا اولار که منی سالدی اضطراره

بُله لر نه یردی مدفن من زار و دلفکاره

گئجه غسل ویر گئجیله کفن ایله قوی مزاره

که بُلونمسین بتوله هارادور مزار عم اوغلی

آتام ایلینده رحلت سنه ایلدی وصیّت

دیدی تیغ چکمه وورسا قیزیمی وفاسیز امّت

گلی صاحبی بو تیغین یتر اول زمان او ساعت

آلار انتقام عدودن دم ذوالفقار عم اوغلی

رخ حق نمایه جاری آز عم اوغلی اشک آل ایت

منی آز غریق بحر غم و محنت و ملال ایت

ویرورم قسم حسینه منه حقّیوی حلال ایت

بو شکسته دلده قویما قالا انکسار عم اوغلی

او دمیکه مرده احیا اونیلا ایدردی عیسی

دم گرم و آه سردون اونی ایتدی فیضه دارا

سنیله اونی برابر ایلیم عم اوغلی حاشا

سنه قرب حقدی مسکن اونا چرخ چار عم اوغلی

دم روح بخشی سندن ایلیوبدی کسب عیسی

گل او عیسوی نفسله منی قیل اُلنده احیا

سنه ایتمیوب خیانت بُلوسن جهاندا زهرا

اُلورم رضایتونله قیل امیدوار عم اوغلی

فدکین قضیه سینده بُلوسن اوزون که ثانی

منه بیر جسارت ایتدی او جفا و جور کانی

قالوری هله گوزومده او جسارتین نشانی

گُل مصطفایه صدمه یتیروبدی خار عم اوغلی

اوجالاندی دود آهیم، فلک اولدی غرق حیرت

آی اوزینده لکّه سالدی ایله ابر جور و ظلمت

که گلینجه شمس عزّت قالاجاقدی بو علامت

ویره جاق نشان خسوفی گویرن عذار عم اوغلی

سنه ایلدیم شکایت دیدیم آل اَله حُسامی

دیدون اولمیوبدی ظلمین هله وقت اختتامی

گله جاق امام قائم آلاجاق بو انتقامی

گیدورم بابام یانیندا چکم انتظار عم اوغلی

گل گلستان قدسم شرف بهشت اعلی

منیله اولوب مزیّن صفحات ارض غَبرا

ایله دوندروب خزانه بو گُلی جفای اعدا

که بالام گلینجه اولماز بو گُله بهار عم اوغلی

سنی مسجده چکنده او زمان اهانتیله

قولوما یتیشدی صدمه ستم و عداوتیله

دیه بُلمدیم نه چکدیم او بیوک جراحتیله

بو یارالانان قولومدا هله یاره وار عم اوغلی

بو خیالیله آپاردی سنی سامریِّ امّت

که بابام رسوله هارون ایده عِجل دونه بیعت

ولی دوزمدیم کلیمه ایده سامری جسارت

سورونوب دالونجا گَلدیم گوزوم اشکبار عم اوغلی

سنه کیمسه گوردوم ایتمور او جماعت ایچره امداد

الیمی باشا آپاردیم که ایدم جهانی برباد

دل پر حرارتیله ایله خطبه ایتدیم ایراد

که قلوبه سالدی آهیم شرری شرار عم اوغلی

اوخویان زماندا خطبه دل پر حرارتیله

سنیدون فقط مرامیم نظر حمایتیله

که ابوقحافه اوغلین تانیدام خیانتیله

او قدر جماعت ایچره اولا خوار و زار عم اوغلی

یوزیوی گورنده مومن اولاجاقدی شاد و خندان

اونون عکسینه منافق اولاجاق ملول و گریان

شرف ولایتوندور عمل عمومه میزان

سنی حق ایدوب قسیم نعمیله نار عم اوغلی

اوزینه خدای عالم سنی ایلیوبدی مظهر

بو گوزل یوزی گورنلر گورر عین وجه داور

بو جمال بی مثالی گوره جاقلا جان ویرنلر

ایده جاقلا مقدمونله حقه جان نثار عم اوغلی

نه گوزلدی جان ویرنده باشیم اوسته سرّ یزدان

باشیمی آلا دیز اوسته گوزی یاشلی دلده قرآن

نه قدی خمیده زهرا، هامی مومن و مسلمان

اولا گر بو لطفه مشمول ایدر افتخار عم اوغلی

بُلوسن قاپوم یاناندا منه ویردی یوز نه عالم؟

که مین ایللریله ایتمز بو یارا قبول مرهم

نجه اولدی سقط محسن دیه بُلمورم مسلّم

ایدورم حیا گرکدور تاپا استتار عم اوغلی

یوزه آخدی خون دل تک دُر چشم اشکباریم

صدف دُر امامت سینوب آرتدی آه و زاریم

ایله بیر فشاره دوشدیم که کسیلدی اختیاریم

او فشاره شاهدیم دور دریله جدار عم اوغلی

بو فنا جهاندا نسوان سویر اولماقا بقاسی

اولا بِالخصوص من تک نچه مه لقا بالاسی

بو آز عمریله بتولین بیر اُلومدی مدّعاسی

ایله عمریدن دویوردی منی اول فشار عم اوغلی

دیمورم وفا سیز امت نلر ایلدی بو زاره

اورگیمده کی ملالی آپارام گرک مزاره

دیم اوز آنام خدیجه باباما ایده اشاره

بُله تا اولوبدی سینم نجه زخمدار عم اوغلی

آچیلار گُل رسالت من عم اوغلی جان گُلنده

سارالار گُل امامت من خون جگر اُلنده

گُل لاله قبریم اوسته گوره سن اگر گَلنده

دیر اولدی قلب زهرا نجه داغدار عم اوغلی

منه سخت دور اُلومدن حسنینیمون فراقی

بو یارلی قلبیمین وار اولارا چوخ اشتیاقی

گیدورم بلالی زینب قالوری یریمده باقی

سالاجاق بلایه من سیز اونی روزگار عم اوغلی

بو حسینه وار خصوصاً اورگیمده بیر علاقه

که چکر همان علاقه منی قبریدن عراقه

یارالار گورنده قویمور بالامی دورا ایاقه

یارالی دلیمده باخ گور قالار اختیار عم اوغلی

بوغاز اوخلی، ال یارالی، بو غریب اُلن یارالی

یوزی قانلی، باش یارالی، دولی اوخ بدن یارالی

گنه باخمیوب وورار داش اونی هر گورن یارالی

یوزی اوسته قان ایچینده ال ایاق چالار عم اوغلی

قاپومون یانان لهیبی سالاجاقدی بیر شراره

یاناجاق حسین خیامی ایده جاق گون استتاره

گوره جاقلا اهل کوفه که بیر آسمان ستاره

بیر آیی آلوب آرایه هامیسی یانار عم اوغلی

داغیلاندا خوردا قیزلار چوله دلده وا علیّا

سالار آت عداوتیله اولارین دالنجا اعدا

بالا قیز گورنده آتلی گوزی یاشلی دلده غوغا

الی باشدا آت دوشونده باش آلوب قاچار عم اوغلی

آچار ال خطالی اووچی حرم شه انامه

دوشر آهوان کعبه ستم اللریله دامه

وورولاندا غلِّ جامع نه چکر شه تهامه

بُلر اول یارالی آهو که اولا شکار عم اوغلی

گله جاق بالام حسینی چکه جاقدی چوخ ریاضت

الیله دلیله دائم ایده جاق حسینه خدمت

بودی خواهشیم اُلنده چکه قویما رنج و زحمت

اونا ویر سلام مندن دم احتضار عم اوغلی

گَلرم حسینیمیله من اوزومده باشی اوسته

دیرم که چوخ اولوبسان بالامین یولوندا خسته

خدماتیوه تلافی ایده جاق بو دلشکسته

ویره جاق نوید جنّت سنه تاجدار عم اوغلی

درباره نویسنده

خادم حضرت علی اصغر (ع)

تعداد مطالب : 25

نظر بدهید

تمامی حقوق این سایت متعلق به هیئت زتجیر زنان محله نوبر تبریز می باشد.

WordPress SEO fine-tune by Meta SEO Pack from Poradnik Webmastera
بالای سایت